مضاربة محمد بن سلمان إللي صارت اليوم

[أمير المؤمنين]

مدري وش يبي هالآدمي، خش على أحلامي المضطربة بدون مقدمات اليوم


رغم إني قبل أنام ما كانت أفكاري حوله أصلاً، كنت أفكر بأشياء تخص السحر والعياذ بالله


المهم، أحداث الحلم المصدي كانت التالي


الأبطال

محمد بن سلمان .. حبيب البدويات
محمد العبيدي .. (كان زميل لي بصف رابع إبتدائي، نجحت من صف ثالث وطلعت لصف رابع وحصلته راسب قدامي و لأنه داشر صار عريف الفصل، المهم إني طلعت خامس وهو مازال بصف رابع هههههه)


وش جاب لجاب الحين و الله مدري لكن هذا إللي حصل بالمنام ودخلوا علي هالإثنين بدون سابق إنذار
لو شفت بمنامي كم مليون ولا حتى كم مزة كان أصرف لي .. لكن هذا العلم مثل ماهو ولله الحمد


المكان: مدري وين بس إنه إحتفال رسمي كبير بساحة مبنى كأنه حكومي و كان بالنهار و فيه بشر كثير من ضمنهم أنا و حبيب البدويات و العبيدي إلخ


الحلم حسب ما أتذكر بالتسلسل كان التالي

محمد بن سلمان دخل يصب شاهي لنفسه من بركس أو غرفه فيها شاهي وتصبيرات ومعجنات إلخ
رجع و طلع برى البركس يتقهوى وهو واقف يسولف مع كم واحد
أخينا في الله العبيدي جاي يمسك بن سلمان من وراه مسوي يمون عليه (خبل بصراحة)
بن سلمان أحرج العبيدي و أعطاه وحده خلفيه بكوعه على فمه وصار بينهم شوية جدال
العالم صارت تطالع بصمت وأنا منهم، واحد من الحضور سحب العبيدي و رحوا للخلف، العبيدي كان زعلان و يهدد و قافله معاه ومنحرج من الموقف
وقتها بن سلمان ماطق خبر و رجع يصب شاهي ويتقهوى من نفس المكان إللي دخل له ببداية الحلم
العبيدي من جديد دخل ورا بن سلمان والناس بينهم و هدده وإنه ماهو مهتم بسالفة أمير إلخ
حبيب البدويات بن سلمان رد عليه من الداخل (مدري وش يقول) و أخذ له عصا طويله وخرجوا وقال بن سلمان للناس لحد يتدخل إلخ
العبيدي نخ في البداية وبن سلمان يقول له (إفتح يدك) و صار يجلد جده جلد لحد ما سحب يده العبيدي

قام بن سلمان بعدها و أعطاه ضربه محترمه بالعصا على راسه

وبدء الإشتباك

يوم بدء الإشتباك صحيت ... يلعن أم أم القهر


الحين والله مدري هذا حلم ولا وش السالفة .. بس بصراحة بن سلمان كان مطنوخ بالحلم .. لكن برضه نظرتي ما تغيرت عن الآدمي و مازلت ما أطيقه لأنه صاحب فكرة الـ green card و الـ15 مليون حثالة أجنبي

وبس

[مفك صلصة]

هذا تفسيره والله اعلم انكـ بتقابل خوينا الزعيم بعد سوالف امس بالمقهى ومعاه كاس وطني عرق وتوه مفطر كبدة حاشي او متعشي مقلقل

[سحابة عطر]

الله يستر

[أمير المؤمنين]

اقتباس: المشاركة الأصلية كتبت بواسطة مفك صلصة     هذا تفسيره والله اعلم انكـ بتقابل خوينا الزعيم بعد سوالف امس بالمقهى ومعاه كاس وطني عرق وتوه مفطر كبدة حاشي او متعشي مقلقل

ههههههه

يارجال كلهم الثلاثه بن سلمان والعبيدي والزعيم أعتبرهم نذير شؤم
الله يستر من تالي النهار

[أمير المؤمنين]

اقتباس: المشاركة الأصلية كتبت بواسطة سحابة عطر     الله يستر

إيوالله

[المختـــــــار]

و ليش محمد بن نايف غائب عن المشهد
حتى باضغاث احلامك ما عاد له طاري

[ياسمين]

المهم انك متفرج وماتدخلت

[~الــــزعيم~]

اقتباس: المشاركة الأصلية كتبت بواسطة أمير المؤمنين     و أعطاه وحده خلفيه بكوعه على فمه وصار بينهم شوية جدال

من أجمل الضربات القاضية على الفم ولا على الجبهة



الحين ما شفت الا ابن سلمان تتحلم فيه الله يرجك فوق مانت مرجوج ...بس حلو انك شفت ضربة كوع مباغته

[~الــــزعيم~]

اقتباس: المشاركة الأصلية كتبت بواسطة مفك صلصة     هذا تفسيره والله اعلم انكـ بتقابل خوينا الزعيم بعد سوالف امس بالمقهى ومعاه كاس وطني عرق وتوه مفطر كبدة حاشي او متعشي مقلقل

اعوذ بالله ..مالى في الوطني

عرضت عليه قبل فترة نتصارع لحد ما يموت واحد فينا اما بضربة كوع مباغتة ولا بضربة تحت الحزام

[~الــــزعيم~]

اقتباس: المشاركة الأصلية كتبت بواسطة أمير المؤمنين     ههههههه يارجال كلهم الثلاثه بن سلمان والعبيدي والزعيم أعتبرهم نذير شؤم الله يستر من تالي النهار

طالما شفت ابن سلمان هذا معناته انك بــ تلعن ابو الفقر ..وجهه وجه خير عليك يالمنحوس
ادعي ربك انك تشوفني بالحلم كذا امعط املط علشان برضه ربنا يفتحها عليك من مجميعه خخ

[البـدر]

أنت مثلي أحلامك شاطحه

أحياناً اصحى واضحك واحياناَ متنرفز وصدري ضايق من شطحات بعض الاحلام .

يا رجال انا مره تحلمت اني جالس على البحر اصيد سمك الا ابراهيم الفريان طالع من البحر وفلم طويل معه

[راغوز!]

بداية الشهره
هههههههههههههههه
هههههههههههههههه

امحق

[حمودي]

ههههههههههههه اضغاث احلار

[المختـــــــار]

على طاري الأحلام الشاطحة
يا كثر ما اشطح
مره شفتني افطر على سفره متواضعه جدا ع الأرض و مو هنا المشكله
المشكله اني مقابل اثنين مهمين
بوش ايام رئاسته و الملك عبد الله قبل لا يتوفى
و أنا ارطن انجليزي (مع ان لغتي مهيب لهناك ) ما عطيتهم فرصه يتكلمون
و هم يسمعون لي و عاجبتهم سواليفي

صحيت من النوم و انا منفجع
و اقول بخاطري يا الله السلامه وش مقعدني مع الجماعه

[أمير المؤمنين]

اقتباس: المشاركة الأصلية كتبت بواسطة المختـــــــار     و ليش محمد بن نايف غائب عن المشهد حتى باضغاث احلامك ما عاد له طاري

فقدت الأمل فيه ... بدل ما يطلع الدحابشة زاد من حجم الكارثة

اقتباس: المشاركة الأصلية كتبت بواسطة ياسمين     المهم انك متفرج وماتدخلت

ههههه .. حتى بالأحلام إبن حلال وجنب الحيط

اقتباس: المشاركة الأصلية كتبت بواسطة ~الــــزعيم~     طالما شفت ابن سلمان هذا معناته انك بــ تلعن ابو الفقر ..وجهه وجه خير عليك يالمنحوس ادعي ربك انك تشوفني بالحلم كذا امعط املط علشان برضه ربنا يفتحها عليك من مجميعه خخ

ماظنيت بلعن الفقر ... بعدين ليش تبيني أشوفك أملط
ترى مالي بالورعان يا جحش .. عندك نزف بتسلك أمورك معاه

[أمير المؤمنين]

اقتباس: المشاركة الأصلية كتبت بواسطة البـدر     أنت مثلي أحلامك شاطحه أحياناً اصحى واضحك واحياناَ متنرفز وصدري ضايق من شطحات بعض الاحلام . يا رجال انا مره تحلمت اني جالس على البحر اصيد سمك الا ابراهيم الفريان طالع من البحر وفلم طويل معه

طبقت تجربة تخص السحر أول ما جيت من أمريكا
و نمت و شفت كوابيس و قعدت أصيح ما فكني من الرعب إلا الوالد و أخوي الصغير
يا رجل والله وضعي مزري مدري وين مودي نفسي

اقتباس: المشاركة الأصلية كتبت بواسطة راغوز!     بداية الشهره هههههههههههههههه هههههههههههههههه امحق

بتشوف يا علج

اقتباس: المشاركة الأصلية كتبت بواسطة حمودي     ههههههههههههه اضغاث احلار

كل هالشخصيات والضرب و الإحتفالات و تقول لي أضغاث

ما أعتقد

[أمير المؤمنين]

اقتباس: المشاركة الأصلية كتبت بواسطة المختـــــــار     على طاري الأحلام الشاطحة يا كثر ما اشطح مره شفتني افطر على سفره متواضعه جدا ع الأرض و مو هنا المشكله المشكله اني مقابل اثنين مهمين بوش ايام رئاسته و الملك عبد الله قبل لا يتوفى و أنا ارطن انجليزي (مع ان لغتي مهيب لهناك ) ما عطيتهم فرصه يتكلمون و هم يسمعون لي و عاجبتهم سواليفي صحيت من النوم و انا منفجع و اقول بخاطري يا الله السلامه وش مقعدني مع الجماعه

بعد ما تخرجت من الثانوية جيت بقدم في أرامكو
و حلمت بالملك فيصل متكي بدرج عمارتنا يدخن
قمت أفسر الحلم بطريقتي تفسير أليم
قلت دام الملك فيصل قطع البترول عن الغرب .... معناها ما حولك أرامكو ... يعني بالعربي إقطع أملك بأرامكو هههههههههه
و بعدها عينك ما تشوف إلا سحبه و على جامعة عزوز

[ريتاج]

ايه الاحلام الشاطحة دي